Meksikanın Kankun kurort şəhərində prokurorluğun binasına silahlı basqın edilib, 4 nəfər ölüb.
"RİA Novosti”-in verdiyi xəbərə görə, bu barədə qubernator Karlos Xoakin Qonsales bildirib.
Motosikletlərdə hərəkət edən cinayətkarlar binaya yaxınlaşaraq onu müxtəlif slahlardan gülləbaran etməyə başlayıblar. Binanın mühafizəsi silahlılara cavab atəşi açaraq, hücumun qarşısını alıb, atışma zamanı həmçinin bir neçə adam yaralanıb.
Məlumata görə, ölənlərdən biri polis, qalanları hücum edənlərdir. Hücumda iştirak edənlərdənm beşi saxlanılıb.
