Yeni il gecəsi İstanbulda ağır qətillər törədən terrorçu həbs olunub
Tarix:
17-01-2017, 01:56
/ 5 159 dəfə oxundu.
2017-ci ilin birinci gecəsi istanbulun Örtaköy rayonunda çoxsaylı insanın qətlinə səbəb olan terrorçu İstanbulda həbs olunub. Əbu Muhammed Xorasani kod adlı terrorçunun əməliyyat-axtarış tədbirləri nəticəsində Esenyurt rayonunda yaxalandığı bildirilir. Onunla birgə daha 3 nəfər tutulub. Məlumata görə, səhər saatlarında terrorçunun yaxalanması ilə əlaqədar rəsmi açıqlama veriləcək. Qeyd edək ki, Yeni il gecəsi naməlum şəxsin İstanbulun Ortaköy rayonunda yerləşən "Reina” gecə klubuna etdiyi hücum nəticəsində 16 nəfər əcnəbi olmaqla, ümumilikdə 39 insan ölüb.