Yeni ilin ilk 12 günündə Avropaya dəniz yolu ilə 1159 miqrant gəlib

2017-ci ilin ilk 12 günündə Avropaya dəniz yolu ilə mindən çox miqrant və qaçqın gəlib.
Beynəlxalq Miqrasiya Təşkilatının məlumatına görə, yanvarın 12-dək əsasən Yunanıstan və İtaliya vasitəsi ilə Avropaya keçən miqrant və qaçqınların sayı 1159 nəfər təşkil edib. Həmin müddətdə Türkiyədən Yunanıstana yalnız 430 miqrant keçib. Halbuki ötən ilim müvafiq dövründə onların sayı 22 min nəfəri ötmüşdü.
Hazırda Avropa ikinci dünya müharibəsindən sonra ən ciddi miqrasiya böhranı yaşayır. Bu böhran ilk növbədə Yaxın Şərq və Şimali Afrika ölkələrindəki silahlı münaqişələrdən və iqtisadi problemlərdən qaynaqlanır.

Gunaz.az