Noyabrın-8 də Şuşa şəhərimiz, alınmaz
qalamız, cənnət məkanımız, 30il ayrılıqdan sonraigid əsgərlərimizin
qanı bahasına müzəffər ordumuzun gücü sayəsində azad olundu. Bu sevinc xəbərini
hamı sonsuz məhəbbətlə qarşıladı. Diqqət televiziya ekranlarına yönəldi.
Azərbaycan Prezidenti, Silahlı Qüvvələrin Ali Baş Komandanı İlham Əliyev qürur
hissi ilə bu qələbəni elan etdi. İnsanlar küçələrə axışdılar. Şəhidlər Xiyabanı insan seliylə doldu. Hamı bu qələbəni
coşquyla qeyd edirdi.
Uşaqdan böyüyə qədər hamımız bu qələbə bayramını sevinclə qarşıladıq.
Beynəlxalq İdeal Sülhün Təbliği Fondunun rəhbəri, Dünya Sülh səfiri, vətənpərvər
ziyalımız Əlikram Müzəffərdə ürək ağrısıyla bu xəbəri
eşidərkənçox həyəcanlanır. Bu həyəcan sevinc həyəcanı idi. Ürəyindən müalicə
olunurdu. Bu qələbə sevincinə dözmürqardaşımız. Gözləri gülə-gülə əbədiyyətə qovuşur.
Əlikram Müzəffər mötəbər məclislərdə, o cümlədənTürkiyədə, Almaniyada,
İranda, Avropadavə bir çox xarici ölkələrdə möhtəşəm, vətənpərvər tədbirlərin
təşkilatçısı, dinimizin
bilicisi idi. Bəşəriyyəti sülhə, sərhədsiz dünyaya, əmin-əmanlığa səsləyirdi. Qələm
dostumuz Bilman İsaq bu acı xəbəri mənə çatdırarkənbiz qardaşımın şəhid
balasını son mənzilə yola salırdıq. Birgözümüz gülsə də, o biri gözümüz
qan ağlayırdı. Şuşanın azad olunması isə qəlbimizə məlhəm səpirdi.
Nəhayət ki, Şuşa həsrətinə son qoyuldu. Şanlı ordumuz bizə yenidən yaşamaq
stimulu verdi. Azadlığı daddıq. Belimizdikəldi. Azərbaycan xalqı Ali Baş
Komandanımızın rəhbərliyi altında bir yumruq kimi birləsdi, düşmənin
belinimərdi-mərdanə qırdı. Yağıları yurdumuzdan iti qovan kimi qovduq. Məkirli
düşmən isə mülki şəxslərə qadağan olunmuş silahlardanraket mərmiləri
yağdırsa da xalqımızın birliyini, möhtəşəmliyini qıra bilmədi. Əksinə olaraq
ordumuz döyüş meydanlarında öz sözünü dedi. İşğalçı quldurlara acı bir dərs
verdi. Azərbaycan BMT-nin qətnaməsini təkbaşına yerinə yetirdi.
Muzəffər ordumuzun 44 gün ərzində bir-birindən möhtəşəm
qələbə xəbərlərini Əlikram müəllim intizarla, göz yaşlarıyla, kövrək, titrək qəlbiilə izlədi. Qürur
hissi keçirdi. «Ölsəm də arzum qalmadı, əsas odur ki,Şuşanı azad etdik
dedi».
Əlikram Müzəffərin tək bir amalı, parolu "Tək Bir O" idi. "Tək
Bir O" deyəndə Ulu Öndərdən danışaraq onu nəzərdə tutardı. Onun
"Tək Bir O" haqqında çəkdiyi, müəllifi olduğu filmin sosial şəbəkələrdə
çoxlu izləyiciləri var.
Müqəddəs Kitabımız
olan Qurani-Kərimin mükəmməltəbliğatçısı idi. Hər kəlməsindəPeyğəmbərimizin
(s.ə.s) kəlamlarındansitat gətirərdi. Namaz əhli idi. Müqəddəs məkanları
ziyarət etmişdi.
Uzun illər rəhbər vəzifələrdə işləmişdi. Dövlət qulluqçusu-təqaüdçüsü idi. Qəlbi
təmiz,xeyirxah insan idi. Heç kəsin xətrinə dəyməz, incidiyi adamlarla
tez də barışardı. Heç kəslə kin-küdurət saxlamazdı. Özünəməxsus yumor hissi ilə
qəlbləri ələ almağı bacarırdı. Məclislərdə ağsaqqallıq missiyasını da şərəflə
yerinə yetirirdi. Qəlbi də çox kövrək idi. Dəfələrlə tədbirlərdə bir yerdə
olardıq. "Azad Azərbaycan", " Həkəri"qəzetlərində,
Günaz.az saytında tez-tez aktual mövzularla çıxış edərdi, müsahibələri dərc
olunardı. Azərbaycanın haqq səsini dünyaya yayardı.
Xocalı soyqırımı onu çox kədərləndirmişdi. Erməni quldurlarının haqsız hərəkətlərini,
terrorçu və mənfur simalarınıhər yerdəifşa edərdi. Xarici ölkə
mətbuatına müsahibələr verərdi.
Həqiqətən də bir vətənpərvər
ziyalımızı itirdik. Rahat uyu Hacı Əlikram Müzəffər! Şuşanın azad olunma xəbərin
eşitdin. Az da olsa, Qələbə sevincini daddın, sevindin, qəlbin güldü, arzuna
çatdın.
İşğal olunmuş torpaqlarımızın bir-bir azad olunması xəbərinə necə də
sevinirdin. Uğurlarımızı dostlarınla bölüşərdin. Ömür vəfa qılmadı. Başqa
arzuların da vardı. Təəssüf ki, onlar yarımçıq qaldı…
Məkanın cənnət olsun Əlikram qardaşımız! Sənin işıqlı siman qəlbimizdən
silinməyəcək vəuzun illər xatırlanaraq,ehtiramla yad ediləcəkdir.
Rauf İLYASOĞLU