Operativ Qərargahın zamanında verdiyi qərar əsasında uçuşların bərpası qərarlaşdırılıb.
Bunu Azərbaycan Hava Yolları QSC-nin vitse-prezidenti Eldar Hacıyev Operativ Qərargahın bugünkü brifinqində deyib.
"İlk uçuş 15 iyun 00:00-da Bakı-Naxçıvan istiqamətində baş tutacaq. 106 yer ayrılsa da, 100 yer satışa çıxarılacaq. Əgər uçuş zamanı hansısa sərnişində virus aşkarlanarsa, təyyarənin arxa sırasında əyləşdirilib, respirator maska ilə təmin olunacaq", - o bildirib.
