Çimərliklərdəki vəziyyət ümumi yumşalma mərhələsindən asılıdır.
Bunu TƏBİB-in İdarə Heyətinin sədri Ramin Bayramlı Operativ Qərargahın brifinqində deyib.
Qurum rəsmisi əlavə edib ki, bulvar və parklara giriş bərpa olunsa da, müəyyən məhdudiyyətlər tətbiq olunacaq:
"Bulvarda attraksionların fəaliyyəti bərpa olunmayacaq. Eyni zamanda 10 nəfərdən artıq insanın toplaşması qadağandır".
Ramin Bayramlı deyib ki, Bulvar ərazisində insanların hərəkətinə ciddi nəzarət tətbiq olunacaq.