Azərbaycan Respublikasının Prezidenti İlham Əliyev Dövlət Neft Fondunun icraçı direktoru vəzifəsinə İsrafil Məmmədovu təyin edib.
GunAz.az xəbər verir ki, İsrafil Məmmədov 26 iyul 1973-cü ildə anadan olub. 1990-1995-ci illərdə Moskva Dövlət Beynəlxalq Əlaqələr İnstitutunun Beynəlxalq İqtisadi Əlaqələr fakültəsində oxuyub. İxtisasca iqtisadçıdır.
1995-1996-cı illərdə Xarici İşlər Nazirliyinin Beynəlxalq İqtisadi Əlaqələr İdarəsində çalışıb. 1996-2007-ci illər Azərbaycanın Böyük Britaniya və Şimali İrlandiya Krallığındakı səfirliyində işləyib.
2007-2008-ci illərdə Dövlət Neft Şirkətinin Böyük Britaniyadakı nümayəndəsi olub. 2008-2013-cü illərdə Dövlət Neft Fondunda Vəsaitlərin İdarə edilməsi müdiriyyətinin müdiri vəzifəsində çalışıb.
23 iyul 2013-cü ildən yeni təyinatadək Dövlət Neft Fondunun İcraçı direktorunun müavini işləyib.
İngilis, ərəb və rus dillərini bilir.
Evlidir, üç övladı var.
N.SAFURA
