Rusiya Federasiyasının Krasnoyarsk vilayətində Azərbaycan milli mədəniyyət günləri keçirilib. Vilayət qubernatorluğu rəhbərliyinin və soydaşlarımızın istirak etdiyi tədbir “Nar bayramı” şəklində qeyd edilib.. Kanal32.az-ın Moskva bürosu xəbər verir ki, Krasnoyarsk qubernatorunun ictimai məsələlər üzrə müavini Soslan Tatdayev çıxış edərək, diaspora nümayəndələrini Azərbaycan mədəniyyətini və onun təbii sərvətlərini bu cür tərənnüm etdiklərinə görə minnətdarlığını bildirib və bu qəbildən olan tədbirlərinin xalqları bir-biri ilə daha da möhkəm tellərlə bağladığını deyib.
Bayram tədbirində Krasnoyarsk Azərbaycanlıları Milli-Mədəni Muxtariyyatınən sədri Taleh Mahmudov cıxış edərək dövlətlərimiz və xalqlarımız arasındakı dostluq münasibətlərindən danışıb, mərasimə qatılan bütün iştirakçılara öz minnətdarlığını ifadə edib.
Sənan Həsənoğlu
“Kanal32” İnformasiya Agentliyinin Moskva bürosu
