Daxili işlər orqanlarının əməkdaşları tərəfindən soyğunçuluq ilə məşğul olan şəxslərə qarşı növbəti uğurlu əməliyyat tədbirləri keçirilib.
Daxili İşlər Nazirliyinin mətbuat xidmətindən GunAz.az-a bildiriblər ki, Nizami Rayon Polis İdarəsinin 24-cü Polis Şöbəsi və Qazax Rayon Polis Şöbəsi əməkdaşlarının birgə keçirdikləri əməliyyat-axtarış tədbirləri nəticəsində Cinayət Məcəlləsinin 180-ci (soyğunçuluq) maddəsi ilə axtarışda olan E.Qarayev saxlanılıb.
Nizami (Gəncə) Rayon Polis İdarəsi əməkdaşlarının keçirdikləri əməliyyat-axtarış tədbirləri nəticəsində Cinayət Məcəlləsinin 180-ci (soyğunçuluq) maddəsi ilə axtarışda olan R.Sadıxov yaxalanıb.