Gürcüstanın AB ilə vizasız rejiminin dayandırıla biləcəyi ilə bağlı danışıqların heç bir əsası yoxdur.
GunAz.az xəbər verir ki, bunu jurnalistlərə açıqlamasında Gürcüstan Baş naziri Mamuka Baxtadze deyib.
“Biz viza rejiminin liberallaşdırılmasından, AB ilə assosiativ üzlük haqqında razılaşmadan danışırıqsa, bu kiminsə şəxsi uğuru deyil. Bu, Gürcüstan dövlətinin uğurudur. Biz gərək bunu xüsusi şəkildə qoruyaq və hər bir Gürcüstan vətəndaşı bu böyük faydadan yararlanan zaman xüsusi məsuliyyətli olmalıdır, - o bildirib.
Qeyd edək ki, bundan öncə bir sıra avropalı siyasətçilər Gürcüstan vətəndaşlarının Avropaya miqrasiyasının həddən artıq artdığını və bunun iki tərəf arasındakı vizasız rejimə təsir edəcəyini söyləyiblər.
