Mayın 1-nə olan məlumata əsasən, Azərbaycan Mərkəzi Bankının (AMB) valyuta ehtiyatları 5 milyard 789 milyon ABŞ dolları təşkil edib.
Bununla bağlı AMB məlumat yayıb.
Bildirilib ki, bu, aprelin 1-i ilə müqayisədə 10,4 milyon dollar və yaxud 0,2% çoxdur. Qurumun valyuta ehtiyatları ilin əvvəlinə nisbətən 163,3 milyon dollar və yaxud 2,9%, son 1 ildə isə 323,2 milyon dollar və yaxud 5,9% artıb.
Bundan başqa, Azərbaycanda pul bazası bu il mayın 1-nə 9 495,1 milyon manat təşkil edib.
Bu, aprelin 1-i ilə müqayisədə 548,8 milyon manat və yaxud 6,1% çoxdur. Pul bazası ilin əvvəlinə nisbətən 50,6 milyon manat və 0,5% azalıb, son 1 ildə isə 1 082,1 milyon manat və yaxud 12,9% artıb.
