1989-cu ildən bu vaxta qədər Gürcüstanda yaşayan və dərs deyən azərbaycanlıların, həmçinin azərbaycandilli məktəblərin sayında ciddi azalma müşahidə olunur.
GunAz.az axar.az -a istinadla xəbər verir ki, bu barədə təhsil eksperti Kamran Əsədov məlumat paylaşıb. O bildirib ki, hazırda Gürcüstanda işləyən müəllimlərin 80 faizi təqaüdçüdür və orada ciddi şəkildə kadr çatışmazlığı var.
Gürcüstandakı soydaşlarımızın təhsil aldığı milli məktəblərimizin statistikası:
1989-cu il - 183 məktəb.
1999-cu il - 167 məktəb.
2009-cu il - 124 məktəb.
2014-ci il - 117 məktəb.
2018-ci il - 80 məktəb
Gürcüstandakı milli məktəblərdə çalışan müəllim soydaşlarımızın sayı:
1989-cu il - 6922 nəfər.
1999-cu il - 4481 nəfər.
2009-cu il - 3777 nəfər.
2018-ci il - 3628 nəfər.
K.Əsədov onu da qeyd edib ki, Təhsil Xidmətləri Araşdırma Mərkəzinin təşkilatçılığı ilə oktyabrın 3-də saat 12:00-da Beynəlxalq Mətbuat Mərkəzində Gürcüstandakı soydaşlarımızın təhsil problemləri müzakirə olunacaq.
Qeyd edək ki, Gürcüstanda bu il 500-ə yaxın azərbaycanlı abituriyent qəbul imtahanlarında keçid balı toplasa da, tələbə adını qazana bilməyib. Buna səbəb kimi onların məhdudiyyətsiz sayda ixtisas seçimi imkanı olduğu halda, az sayda ixtisas seçməsi göstərilir.
