Maliyyə Naziri Samir Şərifov Dövlət Sığorta Nəzarəti Xidmətinin (DSNX) sabiq rəisi Namiq Xəlilovu müşavir vəzifəsindən azad edib.
GunAz.az Unikal.org-a istinadən xəbər verir ki, Samir Şərifov bununla bağlı əmr imzalayıb. Nazirin digər əmri ilə Elman Mehdiyevi özünə müşavir təyin edib.
Qeyd edək ki, E.Mehdiyev 2013-cü ildən 2016-cı ilə kimi Dövlət Sosial Müdafiə Fondunun sədri olub. 2016-cı ilin mart ayının 19-da Azərbaycan Respublikasının Dövlət Sosial Müdafiə Fondu Azərbaycan Respublikasının Əmək və Əhalinin Sosial Müdafiəsi Nazirliyinin strukturuna daxil edilib. Həmin ildə Əmək və Əhalinin Sosial Müdafiəsi Naziri olmuş Səlim Müslümov onu bu vəzifəsindən azad edib.
