İndiyədək sosial şəbəkələrdə bir neçə dəfə oğlanların bahalı avtomobillə qızları ələ salmasını əks etdirən videolar yayılırdı.
Oğlanlar bahalı avtomobillərlə qızlara yaxınlaşıb onları maşına mindirmək istəyəndə qəflətən sürüb gedir və ya bahalı maşının yanında dayanıb qızları onunla getməyə razı salandan sonra ucuz maşına yaxınlaşıb onları ələ salırdılar.
Bu dəfə isə Rusiyada bir qız «Lamborgini» markalı avtomobillə yol kənarında dayanıb oğlanları ələ salıb. Avtosfer.az-ın məlumatına görə, qız bahalı avtomobilə söykənib yoldan keçən oğlanları müşahidə edir. Onlardan bir neçəsinə yaxınlaşsa da, birini «tora» sala bilir.
Oğlanla biraz söhbət edəndən sonra onu maşına minməyə dəvət edir. Oğlan bahalı avtomobilə minməyə razırlaşanda qız arxadakı ucuz maşına tərəf gedir. Bunu görən oğlan qızla getməkdən imtina edir.
Qız isə bir qədər sonra bahalı avtomobilə minib oğlanı yenidən dəvət edir. Amma qız maşının qapısını salondan bağlayır və oğlanı söyərək oradan uzaqlaşır.
