Azərbaycanın görkəmli qəzəlxanı Əliağa Vahidin adına olan poezia evi hal-hazırda adı dəyişdirilərək fransız şairi və yazıçısı La Fontainenin adını daşıyır.
Gunaz.az xəbər verir ki, içəri şəhərin başlanğıcında yerləşən Filormaniya bağında qədim tarixi əks etdirən yazıçı Əliağa Vahidin adını daşıdığı poezia evinin adının dəyişdirilməsi insanı məyus edir. Çünki zaman-zaman bu binada görkəmli sənətkarların toplaşaraq öz əsərləri ilə insan ruhunu valeh etdiyi danılmazdır. İllərdir bu divarlar arasında səslənmiş fikirlər , əsərlər bu binanın divarlarına hoppmuşdur. Azərbaycan ədəbiyyatında öz sözünü demiş Əliağa Vahidin adına verilmiş poeziya evi dəyişdirilərək bir çoxlarımıza tanış olmayan fransız yazıçısı La Fontainenin adının verilməsi ağla sığılmazdır. Qəzəlxanın hər zaman vətəninə, insanlara sevgisi kitablarında əks olunmuşdur. Əliağa Vahid kimi tanınmış şair, qəzəlxanın adı xarici yazıçıların adı ilə əvəz olunmamalıdır.
Bir çox obyeklərin adı xarici dildə yazılmaqdadır. Doğrudur bu şəxsi əmlakdır. Lakin hər bir sahibkar bilməlidir ki, Azərbaycan Respublikasının Dövlət Dili Ana dilidir və ad seçərkən buna diqqət etməlidir. Əliağa Vahid adına poeziya evi bizim qədim abidəmizdir və adı toxunulmaz qalmalıdır.
Qeyd edək ki, əməkdaşlarımız bu məsələ ilə bağlı maraqlandıqda, orada çalışanlar bu dəyişikliyin nə səbəbdən olduğunu bilmədilər. Milliliyimizi əks etdirən binanın qarşısında gənc xanımların siqaret çəkərək nə qədər etikadan kənar görsəndiyi bir daha subut edirdi ki, ən azından binanın arxitekturasına mənəvi zərər vururlar. Gəlin Azərbaycan xalqı olaraq milli dəyərlərimizi, tarixi abidələrimizi qoruyaq.
Səidə Seyidova, Fəridə Qafarova
.jpg)
