Gecə saatlarından başlayaraq yağan aramsız qar Quba-Xınalıq yolunun bağlanmasına səbəb olub.
Gunaz.az məlumat verir ki, Xınalığın icra nümayəndəsi Nəsimi Məmmədov həmin istiqamətdə kəndlərlə nəqliyyat əlaqəsinin kəsildiyini bildirib.
“Quba-Xınalıq yolu qar uçqununa görə bağlanıb. Hazırda əraziyə texnikalar cəlb olunub, yolun açılması istiqamətində işlər aparılır. Çox güman ki, axşama kimi işlər yekunlaşacaq”.
Qeyd edək ki, ötən gündən başlayaraq Quba, Qusar və Xızı rayonlarının dağlıq ərazisinə güclü qar yağıb.
