Bu il Azərbaycanda ilk çərşənbə - Su çərşənbəsi fevralın 27-nə təsadüf edəcək.
AMEA-dan Gunaz.az-a verilən məlumata görə, Od çərşənbəsi martın 6-da, Yel çərşənbəsi martın 13-də, Torpaq çərşənbəsi isə martın 20-də qeyd ediləcək.
Novruzun ilk çərşənbəsi - Su çərşənbəsidir. Su çərşənbəsində suyun müqəddəs mahiyyəti bir daha ifadə olunur. Bu çərşənbə xalq arasında “Əvvəl çərşənbə”, “Gözəl çərşənbə”, “Sular Novruzu”, “Gül çərşənbə” kimi də tanınır.
