Daha bir şəhidimiz Maştağa Şəhidlər Xiyabanında dəfn olundu
Tarix:
27-06-2017, 19:04
/ 6 534 dəfə oxundu.
Azərbaycan ordusu Ağdam bölgəsində daha bir şəhid verdi.
GUNAZ.az -ın məlumatına görə, cəbhə xəttinin Ağdam rayonu istiqamətində erməni hərbi birləşmələrinin təxribatının qarşısını alarkən 25 iyun 2017 - ci ildə qəhrəmancasına şəhid olan Babayev İlkin Oktay oğlu "Vətən sağ olsun!", "Şəhidlər ölməz Vətən bölünməz!", "Vətən sənə canım fəda!", "Şəhidlər ölmür!", "Qələbə naminə!" şüarları ilə Maştağa Şəhidlər Xiyabanına gətirilib.
Azərbaycan ordusunun şəhidi yaylım atəşi altında dəfn olunub.
Şəhidin yas mərasimində Müdafiə Nazirliyinin (MN), Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) nümayəndələri, hüquq-mühafizə orqanlarının rəsmiləri, Sabunçu və Lerik rayon İH -in Başçıları rayon ictimaiyyəti, şəhidin xidmət etdiyi hərbi hissənin əsgər və zabit heyəti iştirak edib.
Şəhid Babayev İlkin Oktay oğlu əslən Lerik rayonunda anadan olub uzun illərdir ailəsi ilə Maştağa qəsəbəsində yaşayirdı. Ailə üzvləri iki bacı bir qardaş və anasından ibarət olub . Atasız böyüyən bu ailə cox çətinliklərlə qarşılaşıb. Sabunçu rayon Qarabağ Müharibəsi Əlilləri ,Veteranları və Şəhid Ailələri İB-nin sədri Zülfüqar Cəfəroov və İB-in üzvləri Şəhidin ailəsi ilə görüşdülər və hər zaman onların yanında olduqlarını ailə üzvlərinə çatdırdılar.