Pirallahı qəsəbəsində içməli suyun verilməsində məhdudiyyətlər olacaq.
"Azərsu” ASC-nin mətbuat xidmətindən Gunaz.az-a bildirilib ki, Bakı şəhərinin Pirallahı rayonu ərazisində yeni çəkilmiş magistral su xəttinin şəbəkəyə birləşdirilməsi ilə əlaqədar aprelin 14-də saat 07:00-dan etibarən gün ərzində qəsəbədə içməli suyun verilməsində məhdudiyyətlər yaranacaq. Yaranacaq narahatlıqla əlaqədar "Azərsu” ASC abonentlərdən üzr istəyir.
