2006-cı ildən Nərimanov rayonunun Həsən Əliyev küçəsi
33 ünvanındakı 9/45-ci məhəllədə ucaldılan 17 mərtəbəli 3 bina diqqəti cəlb
edir. Bu binalarda sakinlər 11 ildir ki, qeydiyyatsız və qazsız yaşayırlar.
Onlar dəfələrlə aidiyyəti qurumlara şikayət etsələr də, boş vədlərlə sakinləri
get-gələ salırlar.
Bu binalar «Nehrəm
Holdinq» tərəfindən inşa edilib. Lakin indiyə qədər binalara sahib çıxıb təhvil
alan olmayıb və nəticədə sakinlər qeydiyyata götürülməyiblər. Acınacaqlı haldır
ki, indiyə qədər binalara qaz
çəkilməyib. Sakinlər enerjidən istifadə etməklə çətinliklə yaşayırlar.
Həqiqətən də acınacaqlı haldır ki, köhnə evləri sökülmüş sakinlər öz pulları
ilə aldıqları binalarda 2006-cı ildən bu günə qədər qeydiyyatsız yaşayırlar. Və
bu günə qədər seçki hüququndan da məhrum olunublar.
Hər binada 70 ailə
bir qəsəbə deməkdir. Bəzən isə enerji kəsilir və nəticədə sakinlər çıxılmaz
vəziyyətdə qalırlar. Buna nə ad vermək olar? Məsuliyyətsizlikmi? Görəsən bu
vəziyyət nə vaxta qədər davam edəcəkdir?
Rauf
İlyasoğlu