Rəsul Quliyev Milli Şuranı ələ saldı: "Mitinqə heç 50 nəfər də gəlməz"

ABŞ-da yaşayan müxalifətçi, keçmiş spiker Rəsul Quliyev Milli Şuranın aprelin 9-a təyin etdiyi mitinqi boykot edənlər sırasındadır.
 R.Quliyev Milli Şuranın keçirəcəyi mitinqi ələ salaraq, "Məhsul” stadionuna 50 nəfərin toplaşacağına inanmadığını deyib."Bizdə icazəsiz mitinqə neçə adam çıxar, heç 50 adam tapılmaz. Bunların hamısının səbəbi sizin bir yerdə ola bilməməyinizdir”.
R.Quliyev Əli Kərimli və Cəmil Həsənlini müxalifət lideri hesab etmir. Onun sözlərinə görə, Azərbaycan müxalifətinə rusiyalı siyasətçi Aleksey Navalnıy kimi lider lazımdır.
"Navalnı kimi liderin olmaması şərtdir. Ancaq navalnıları biz öz aramızdan seçib çıxarmalıyıq”.
Qeyd edək ki, Milli Şuranın 9 aprel mitinqi müxalifət partiyaları tərəfindən boykot edilib. (AzVision.az)