Tural Ələkbərovun GunAz.az -a verdiyi müsahibəni təqdim edirik:
Bu yaxınlarda ölkəmizdə ilk dəfə olaraq “Türkiyə Gənclik Ödülləri 2019” ödül törəni keçirildi. Bu tədbirin təşkilatçılığı, rəhbəri olduğunuz “Caspian Events Group” -a həvalə edildi. Bunun sevincini və məsülliyətini bizimlə bölüşərdinizmi?
-Biz “Caspian Events Group” olaraq artıq bir ildir fəaliyyətdəyik. Bu müddət ərzində dördə yaxın mükafatlandırma mərasimi və iki-üç dəfə moda günləri təşkil etmişik. “Türkiyə Gənclik Ödülləri” Türkiyənin ən prestijli layihələrindən biridir. Rəsmi dünyada təsdiqlənmiş layihədir, 10 ilə yaxındır ki, orada təşkil olunur və Türkiyədə ən çox oy kulanılan layihədir. “Caspian Events Group” üçün təbii ki, ilk beynəlxalq layihə oldu və çox böyük məsülliyət idi. Lahiyənin həyata keçirilməsində on beşə yaxın bütün komanda üzvü fəal şəkildə dörd ay fəaliyyət göstərdi. Layihənin beynəlxalq direktoru Maksut Coşkun Dokunulmaz öz komandası ilə ölkəmizə gəlmişdi. “Türkiyə Gənclik Ödülləri 2019” öz tərzi ilə digər eventlərdən çox böyük fərq yaratdı ölkəmizdə. İnşallah, bu mükafatlandırma mərasimi beynəlxalq qala gecəsi aprel ayında İstanbulda keçiriləcək və biz komanda olaraq ölkəmiz üzrə nümayəndə olaraq yaxından iştirak edəcəyik. Həm mükafatlandırma mərasimində, həm də qala gecəsinin təşkilində.
Daha çox gənclərə dəstək olan bu kimi tədbirlərin ölkəmizdə keçirilməsi gözlənilirmi?
-Mükafatlandırılma mərasimlərin təşkili sırf motivasiya xarakteri daşıyır. Müxtəlif sahələrdə uğur qazanmış insanlar var ki, bəzən doğurdan da hər birimizin motivasiyaya ehtiyacımız olur. Gördüyümüz işləri ortalığa çıxarmaq istəyi duyuruq. Bu daha çox pərdə arxasında işləyən insanlar üçün vacibdir. Elə insanlar var ki, onların fəaliyyətləri daima göz önündədir, gündəmdədir, elə də insanlar var ki, onların fəaliyyəti göz önündən uzaqdır, biraz arxa yerlərdə yer alır və həmin insanlar daha çox məsülliyətli işlərlə məşquldurlar təbii ki. Mən düşündüm ki, biz mükafatlandırma mərasimlərinin təşkiliylə müxtəlif sahələrdə olan insanları bir araya yığa bilərik. Bizim keçirdiyimiz motivasiya tədbirlərində altı yüzə yaxın bir kütləni qala gecəsi şəklində toplayırıq. Əlbətdə ki, möhtəşəm təşkil olunur. Hər kəs öz brendi, kiçik biznesi, fərdi fəaliyyəti haqqında bu tipli tədbirlərdə çox rahat bir şəkildə məlumat verə bilir. Buradan müştəri bazası, prestij, reklamda qazana bilər. İştirak edən hər kəsin bir məqsədi var, bu məqsədlər böyük maliyyə aparmır sadəcə öz işlərimiz, biznesmiz, fərdi fəaliyyətlərimiz üçün çox faydalıdır. Böyük və güclü tədbirlərə ehtiyac var. Zövqlər bir daha sübut etdi ki, bu tipli tədbirlər artıq beynəlxalq səviyyədə ölkəmizdə geniş şəkildə təşkil edilə bilər. Bizim növbəti tədbirimiz İstanbulda baş tutacaq, artıq hazırlıqlarımız başlayıb.
Bundan öncə Türkiyədə keçirilən “Altın Boğaz Ödülleri” törənində “Yılın en iyi çıkış yapan dizi oyuncusu” mükafatına layiq görüldüz. Azərbaycanlı gənc bir aktyor olaraq nə kimi hisslər yaşadınız?
-Bəli, “Yılın en iyi çıkış yapan dizi oyuncusu” mükafatını aldım. Çox maraqlı hisslər idi. Nəzərə alsaq ki, bu mükafat artıq Türkiyədə ikinci ildir təşkil olunur və ilk azərbaycanlı aktyor olaraq mükafat almağım mənim üçün çox böyük məsülliyyət oldu. “Altın Boğaz Ödülleri” törəninə ona yaxın Azərbaycandan iş adamları, müxtəlif sahələri təmsil edən insanlar getmişdi və onların arasında bizlərdə vardıq. Bu mükafat mənə təltif edildikdən sonra sərfəli oldu. Yeni seriala və iki filmə dəvət aldım. Sənətkarların mükafatlandırılması çox böyük hissdir, dəyərdir, motivasiyadır və buna çox ehtiyacımız var.
Xarici ölkələrdən təkliflər alırsınız?
-Daha çox Türkiyədən təkliflər alıram. Aktyor kimi yox, “Caspian Events Group” olaraq yeni lahiyə təklifləri alırıq. Amma bu yaxınlarda bir neçə türk menecerləri ilə danışıqlarım olacaq. Bir aktyor olaraq Türkiyə seriallarında və ya filmlərində şərait olduqca iştirak etmək istəyirəm. İnşallah, bununla bağlı düşüncələrim var və yaxın zamanda ciddi addımlar atacağam.
Gələk şəxsi həyata. Bu il evlilik həyatına addımladız. Evlilik, həyatınıza necə dəyşikliklər gətirdi?
-Evlilik həyatımda dəyşiklik...(düşünür). İş həyatımda dəyşiklik olmadı, əvvəlki işlərimə davam edirəm. Evlilik həyatı çox yaxşı bir şeydir və hər bir insana mütləq evlənmək zərüridir. İnsanın həyatında onu dəstəkləyəcək, yanında olacaq birinin olması çox vacibdir. O, insanın gələcək işlərinə bilavasitə təsir edən məqamdır.
Yeni ekran işlərində sizi görəcəyik mi? Sonda izləyənlərinizə nə söyləmək istərdiniz?
-Hal-hazırda ATV -ə kanalında yayımlanan “Bir Qadın” serialında bir illik müqavilə əsasında əsəs rollardan birini canlandırıram. Mənim üçün yeni bir obrazdır, yeni bir hissdir, çalışdığım qədər ilə obrazın öhtəsindən gəlirəm. Bildiyiniz kimi, “Oscarfilm production” şirkəti tərəfindən ekranlaşdırılır, qurluşçu rejissoru Şahin Qəhrəmana və bütün kollektivə , yaradıcı heyətə öz minnətdarlığımı bildirirəm. Bütün çəkliş heyətinin, kollektivin aktyora inanması, onu bu obrazda görməsi əsasdır. Xüsusən rejissor aktyora güvənirsə, aktyorun bu işdə uğur qazanmaması mümkün deyil.Bizi izləyənlərə söyləmək istərdim ki, bizi yeni lahiyələrlə gözləsinlər, bu yaxınlarda iki filmimiz çəkiləcək yəqin ki, yeni ildən filmlər işıq üzü görəcək. Doğrudur, yeni filmlər barədə məlumat vermək hələ tezdir, çünki bu haqda danışmağa icazəmiz yoxdur, detalları açıqlamırıq. İki bədii filmlə qarşınızda olacayıq və “Caspian Events Gruop” olaraq da bir neçə yerli, beynəlxalq layihələr həyata keçirəcəyik. Son olaraq sizə öz minnətdarlığımı bildirirəm daima məni diqqət mərkəzində saxladığınız üçün. Uğurlarımı bölüşdüyünüzə görə təşəkkür edirəm.
Siz də sağ olun, Tural bəy. Uğurlarınızın davamlı olmasını diləyirik.
Səidə Seyidova