Əhməd Qəşəmoğlu
Müasir sivilizasiyanın ən ciddi səhvlərindən biri türk mədəniyyətinin potensialını lazımi qədər qiymətləndirə bilib ondan istifadə edə bilməməsidir.
Amma minlərlə nümunə göstərmək olar ki, qeyri türklər, türk mədəniyyət sistemindən bəhrələndikdə necə böyük uğurlar qazanmışlar. Bu mədəniyyət sistemi ən qədim tarixlərdə kainatın öz mahiyyətindən doğduğu üçün düzgün istifadə etdikdə böyük qüdrətə malikdir.
Təəssüf ki, indiki vaxtda əslində bu mədəniyyət sisteminin lazımi səviyyədə bir yiyəsi də yoxdur. Türklərin özü də bu mədəniyyətin imkanları barədə aydın təsəvvürə malik deyillər və bu umkanların nədən ibarət olduğunu aydınlaşdırmaq sahəsində lazımi işləri də görmürlər. Başqaları isə bir vədə həmin mədəniyyət sisteminin başqa bir dövrün tələblərinə uyğun olaraq ucalara qaldırdıqları türklərin xofu içində türk mədəniyyət sistemini dağıtmaqla məşğuldurlar. İndiki sivilizasiya özünün üstündə oturduğu budağı kəsməklə məşğuldur. Halbuki, bu mədəniyyət sisteminin potensialını dərindən öyrənməklə yer üzünü indiki bəlalardan qurtarmaq olar!
Bu acı həqiqəti dərk etməkdə Allah Yer üzünün bütün müdrik insanlarına kömək olsun!
