Əfqanıstanın cənubundakı Gilmənd əyalətində partlayış törədilib.
Bu barədə GunAz.az "Anadolu” agentliyinə istinadən xəbər verir.
Əyalət qubernatoru administrasiyasının nümayəndəsi Ömər Zuvak jurnalistlərə bildirib ki, partlayış nəticəsində 5 dinc sakin həlak olub.
Zuvakın sözlərinə görə, partlayıcı qurğu Laşkarqah şəhərində yolun kənarına qoyulub və mülki avtomobil ərazidən keçən zaman işə düşüb.
Əfqanıstan hakimiyyəti partlayışda "Taliban" hərəkatını ittiham edib.
Hadisəyə görə məsuliyyəti hələ heç bir təşkilat üzərinə götürməyib.
