Ağcabədi rayon sakini Mirzəxan Baxşəliyev avtomobillə qəsdən atası Musa Baxşəliyevi və ögey anası Dilarə Baxşəliyevanı vurub.
Daxili İşlər Nazirliyinin mətbuat xidmətindən GunAz.az-a verilən məlumata görə, hadisə iyulun 27-də baş verib.
Rayon sakini Mirzəxan Baxşəliyev yaşadığı Qaradolaq kəndi ərazisindəki “Ağgöl” adlanan fermanın həyətində idarə etdiyi “Niva” markalı avtomobillə qəsdən atası Musa Baxşəliyevi və ögey anası Dilarə Baxşəliyevanı vurub könüllü olaraq polisə gəlib. Musa hadisə yerində ölüb, xəstəxanaya yerləşdirilmiş Dilarənin vəziyyəti orta-ağırdır.
Faktla əlaqədar Cinayət Məcəlləsinin 120-ci (qəsdən adam öldürmə) maddəsi ilə cinayət işi başlanıb.
