Rusiya Prezidenti Vladimir Putin Çeçenistanın başçısı Ramzan Kadırova zəng vuraraq atası Axmat Hacı Kadırovun anadan olmasının ildönümü və Şalidə "Müsəlmanların qüruru" məscidinin açılışı münasibətilə təbrik edib.
GunAz.az RİA Novosti-yə istinadla xəbər verir ki, bu barədə jurnalistlərə Kremlin mətbuat xidmətindən məlumat verilib.
Avropanın ən böyük məscidi, Məhəmməd Peyğəmbərin (s) adını daşıyan məscid, cümə günü Şalidə rəsmi olaraq açılıb. Açılış mərasimində müsəlman ölkələrindən gələn qonaqlar, Prezidentin Şimali Qafqaz Federal Dairəsi üzrə nümayəndəsi Aleksander Matovnikov, Şimali Qafqaz üzrə nazir Sergey Çebotaryev iştirak ediblər.
