Rusiyada hava limanlarının birinə həmyerlimizin adı veriləcək.
GunAz.az xəbər verir ki, “великиеимена.рф” saytında “Rusiyanın böyük adları” müsabiqəsi başa çatıb.
Onlayn səsvermə yolu ilə müəyyənləşəcək görkəmli şəxsiyyətlərin adları Rusiyada 47 hava limanının rəsmi adlarına əlavə olunacaq.
Yekun nəticələr dekabrın 4-də məlum olacaq.
Qeyd edək ki, həmyerlimiz Fərman Salmanovun adı eyni zamanda iki region üzrə irəlidədir – Surqut və Nijnevartovsk. Dekabrın 4-də onun adının hansı aeroporta veriləcəyi bilinəcək.
