Bolqarıstanda Penka ləqəbli inəyi iynə vuraraq öldürmək qərarına gəliblər.
Gunaz.az-ın "RİA Novosti"yə istinadən xəbərinə görə, buna səbəb onun Serbiya ilə sərhədi gizlicə keçməsidir.
Mayın ortalarında sahibindən - bolqar fermer İvan Xarlampievdən qaçan inək Serbiya sərhədini keçib və 20 km gedib. Lakin iki həftədən sonra serbiyalı fermer onu sahibinə qaytarıb.
Lakin indi inəyi ölüm gözləyir. Çünki Serbiya Avropa İttifaqının üzvü deyil. Qaydalara görə, gömrükdən keçmədən Avropa İttifaqı ölkəsini tərk etmək olmaz.
