İstanbulun Ümraniyə səmtində elektrik paylayıcı stansiyasında yanğın baş verib.
Gunaz.az xəbər verir ki, hadisə nəticəsində stansiyada 1 işçi dünyasını dəyişib.
Yanğının partlayışdan sonra baş verdiyi bildirilir. Hadisənin dəqiq səbəbi araşdırmalardan sonra məlum olacaq.
Məlumata görə, stansiyanın bu gün istifadəyə verilməsi planlaşdırılırdı. Hadisədən sonra açılış təxirə salınıb.
Qeyd edək ki, dünən İstanbulda 14 mərtəbəli Taksim Elmi Tədqiqat Xəstəxanasında da yanğın vermişdi.
