Rusiyanın Kemerovo şəhərində “Qış albalısı” ticarət mərkəzində baş verən yanğın zamanı 41 uşaq ölüb.
Gunaz.az xəbər verir ki, ümumilikdə yanğın zamanı 64 nəfər dünyasını dəyişib.
Ölənlərin siyahısı onların qohumları tərəfindən yaradılan qərargahda asılıb. Morqa baxış keçirən fəallar bildirib ki, ölənlərdən 41-i uşaqdır.
Qeyd edək ki, Kemerovo şəhərindəki dördmərtəbəli “Qış albalısı” ticarət mərkəzində yanğın martın 25-də baş verib. Yanğın 1500 kvadrat metr sahəni əhatə edib. Rusiya prezidenti hadisə ilə əlaqədar Kemerovo şəhərinə səfər edib.
