Gürcüstanda “Forsaj-9” (The Fast and the Furious) filminin səhnələri çəkiləcək.
Report xəbər verir ki, çəkilişlər avqustun 19-dan sentyabrın 20-nə qədər Tiflis və Rustavi şəhərlərində aparılacaq.
Çəkilişlərlə əlaqədar olaraq hər iki şəhərdə bəzi mərkəzi küçələr bağlanacaq.
“Forsaj-9” filmi “Gürcüstanda çək” dövlət proqramı çərçivəsində lentə alınır. “Hollivud” filminin çəkilişlərini “Enkeni Films” prodüser şirkəti həyata keçirəcək.