Fransanın lüks avtomobillər istehsal edən “Bugatti Automobiles SAS” şirkəti 110 illik yubileyi münasibətilə “La Voiture Noire” (qara avtomobil) adlı hiperkapı təqdim edib.
İnterfaks-ın məlumatına görə, şirkət bu modelin dünyadakı ən bahalı avtomobil olduğunu bildirib. Yalnız bir ədəd buraxılan hiperkapın qiyməti 11 milyon avro təşkil edir.
2017-ci ildə “Rolls-Royce” yeganə nümunə olan şüşə tavanlı “Sweptail”ı 12,8 mln. dollara satışa çıxarmışdı.
2018-ci ildə “Zonda HP Barchetta” modeli isə 15 milyon dollara öz sahibini tapmışdı.
“Bugatti La Voiture Noire” artıq satılıb. Alıcının adı məlum olmasa da, “Bloomberg” onun “Volkswagen”in keçmiş rəhbəri Ferdinand Pyex olduğunu iddia edir.
