İyunun birinci yarısında Düşənbədə Asiyada Qarşılıqlı Fəaliyyət və Etimad Tədbirləri üzrə Müşavirənin (CICA) iştirakçı dövlət başçılarının beşinci sammiti keçiriləcək.
Oxu.Az Tacikistan KİV-ə istinadən xəbər verir ki, bununla bağlı Düşənbə İcra Hakimiyyətindəki mənbə məlumat verib.
İclasda Azərbaycan, Tacikistan, Əfqanıstan, Bəhreyn, Vyetnam, Misir, Hindistan, İraq, İran, İsrail, Qazaxıstan, Kamboca, Çin, Qırğızıstan, Monqolustan, Pakistan, Fələstin, Rusiya, Türkiyə, Tailand və Özbəkistan liderləri iştirak edəcəklər.
Sammitə hazırlıq məsələləri şəxsən Düşənbə meri Rüstəm Emoməlinin nəzarətindədir.
İlk dəfə pan-Asiya təhlükəsizlik strukturunun yaradılması ilə məşğul olan bir konfransın çağırılması ideyası 5 oktyabr 1992-ci ildə BMT Baş Assambleyasının 47-ci sessiyasında Qazaxıstan prezidenti Nursultan Nazarbayev tərəfindən təklif olunub. Asiyada sülhün və təhlükəsizliyin təmin edilməsi üçün effektiv və məqbul bir strukturun yaradılması niyyəti bu təşəbbüsün əsas hərəkətverici qüvvəsi idi.
