BMT Baş Assambleyasının qarşıdakı sessiyası çərçivəsində ATƏT-in Minsk qrupunun həmsədrlərinin vasitəçiliyi ilə Azərbaycan və Ermənistan xarici işlər nazirlərinin görüşünün keçirilməsi gözlənilir.
GunAz.az xəbər verir ki, bu barədə Azərbaycan Xarici İşlər Nazirliyinin mətbuat xidmətinin rəhbəri Hikmət Hacıyev bu gün keçirdiyi mətbuat konfransında bildirib. Onun sözlərinə görə, sessiya sentyabr ayında Nyu-Yorkda keçiriləcək.
XİN rəsmisi qeyd edib ki, nazirlərin görüşünün dəqiq tarixi diplomatik kanallarla dəqiqləşdiriləcək.
