Rusiya prezidenti Vladimir Putin İspaniya karlı VI Filippə iki ölkə yığmasının oyunundan sonra zəng edib.
GunAz.az-ın RİA Novosti-yə istinadla verdiyi xəbərə görə, bu barədə Rusiya dövlət başçısının mətbuat katibi Dmitri Peskov bildirib:
“Prezident İspaniya komandasının ustalığına lazımi qiymət verib. Lakin bununla yanaşı Rusiya məşqçi heyətinin taktikasını daha məqsədəuyğun olduğunu vurğulayıb”.
İspaniya kralı da öz növbəsində Putini Rusiya yığmasının qələbəsi münasibətilə təbrik edib.
“Dövlət başçısı İspaniya kralını uyğun bir zamanda Rusiyaya səfərə dəvət edib”, - deyə Peskov vurğulayıb.
