Türkiyənin Şanxay Əməkdaşlıq Təşkilatına (ŞƏT) üzv olması üçün təcili Ankara ilə danışıqlar aparmaq lazımdır. Türkiyə ilə yanaşı İran və Əfqanıstanla da danışıqlar aparılmalıdır. ŞƏT-in genişlənməsi günümüzün tələbidir. GUNAZ.az "RİA.ru"ya istinadən xəbər verir ki, bu açıqlama ilə Qazaxıstanın paytaxtı Astanada ŞƏT-in Zirvə toplantısında Rusiya Liberal Demokrat Partiyasının (LDP) sədri Vladimir Jirinovski Pakistan və Hindistanın təşkilata üzvlüyünü şərh edərkən bildirib.
O, qeyd edib ki, bütün xarici hərbçilər Əfqanıstandan çıxarılmalı və ŞƏT ordusu bu ölkəyə yerləşdirilməlidir. Çünki 16 ildir NATO və ABŞ bu ölkədə sülh yarada bilmədi, Əfqanıstanın inkişafının qarşısını aldı".
