ABŞ-ın İllinoys Universitetinin alimləri lütein adlı vacib birləşmənin beyini cavanlaşdırdığını, beyində yaşla bağlı olan dəyişikliklərin qarşısını aldığını aşkar ediblər. GUNAZ.azxəbər verir ki, lütein beyin və gözlərdə toplanır. Lüteinin səviyyəsi nə qədər yüksəkdirsə, beyin bir o qədər cavan qalır və yaxşı işləyir.
Lütein həmçinin orqanizmdə iltihabla mübarizə aparır ki, bu da öz növbəsində koronar çatışmazlığının riskini azaldır. Koronar çatışmazlıq infarkt və insultun əsas səbəbidir.
Lütein orqanizmdə sintez olunmur və insan bu vacib maddəni yalnız bəzi məhsullardan ala bilir. Bu məhsullar arasında - ispanaq, yumurta və avokado var.
