Kardioloq Aurelio Roxas elmi cəhətdən ürək sağlamlığını yaxşılaşdırdığı təsdiqlənən bir qida məhsulu haqqında açıqlama verib.
GunAz.az xəbər verir ki, o, "Deia" nəşrinə verdiyi müsahibədə ürək üçün ən yaxşı superqidalardan birinin adını açıqlayıb.
Roxasın sözlərinə görə, pomidordan bol istifadə edən insanlarda ürək xəstəlikləri, o cümlədən infarkt riski daha aşağıdır. Həkim izah edib ki, bu tərəvəz miokardı və periferik damar sistemini zədələrdən qoruyur.
Həkim qeyd edib ki, pomidorun tərkibində antioksidant xüsusiyyətlərinə malik likopen maddəsi var. Bu maddə qanda xolesterin səviyyəsini sabitləşdirir və arteriyalarda iltihabı azaldır.
Roxas dəqiqləşdirib ki, istiliklə emal edilmiş pomidordakı likopen orqanizm tərəfindən təzə pomidora nisbətən daha yaxşı mənimsənilir.
