"Laçın dəhlizi vasitəsilə Xankəndi ilə Ermənistan arasındakı yolu bağlayan məhz Ermənistandır”.
Bunu Prezidentin köməkçisi Hikmət Hacıyev sərhədsiz reportyorlar təşkilatının 80 nəfər yerli və xarici jurnalistin Xankəndidən təhlükəsiz çıxa bilməməsi ilə bağlı açıqlamasına münasibət bildirərkən deyib.
O bildirib ki, dünən Ermənistan tərəfi açıqlama verərək yolu bağladığını bildirmişdi:
"Ümumiyyətlə, Xankəndindən Ermənistana iki yol var. Biri Azərbaycanın işğal olunmuş Kəlbəcər rayonu ərazisindən keçərək Ermənistanın Vardenis rayonuna doğru gedir. Digər yol isə Laçın dəhlizi vasitəsilədir. Bu günə olan məlumata görə, hər iki yol Ermənistan silahlı qüvvələrinin nəzarətindədir”.
