Gürcüstanda koronavirusun yayılmasının qarşısını almaq məqsədilə tətbiq olunan bəzi məhdudiyyətlər ləğv edilib.
GünAz.az xəbər verir ki, bu gündən ölkədə məktəblər və uşaq bağçaları fəaliyyətini bərpa edib. Bundan başqa, daxili ictimai nəqliyyatın hərəkətinə tətbiq olunan məhdudiyyətlər də ləğv edilib.
Bu gün, həmçinin ölkənin bir sıra dövlət əhəmiyyətli idarələrində elan edilən tətil başa çatıb. Lakin keçən il noyabrın 28-dən tətbiq olunan komendant saatı qüvvədə qalır.
