Bir neçə gündən sonra tariximizin şanlı səhifəsi olan Azərbaycan Xalq Cümhuriyyətinin yaranmasının 99-cu ildönümü tamam olur. Gələn il isə AXC-nin yaranmasının 100 illik yubileyi rəsmi səviyyədə qeyd ediləcək. Artıq bu istiqamətdə işlərə də başlanılıb.
Hazırda Türkiyədə çalışan tanınmış bəstəkar, Dövlət Marşının müəllifi Cavanşir Quliyev Cümhuriyyət günü ilə bağlı hər hansı musiqi əsəri yazıb-yazmayacağı sualını da cavablandırıb. Tanınmış bəstəkar "Cümhuriyyət” adlı opera işləmək istədiyini də bildirib:
Planlarımda bəzi əsərlər var, lakin mən heç vaxt bədii əsəri hər hansı bir tarixlə bağlanmasının tərəfdarı olmamışam - bu pis sovet ənənəsidir. Ömür aman versə ''Cümhuriyyət'' adlı bir opera üzərinde işləmək istəyirəm. Əslində, bu sevgi dastanıdır, lakin hadisələr Azərbaycanda ilk Cümhuriyyət qurulan dönəmdə baş verir”.
