Döyüş adın oldu Aslan!
Xudayar
Gözəl sifətinlə, gülər gözünlə
Şirin avazınla, şirin sözünlə
Yaxanda üçrəngli özəl rəmzinlə
Yazılıb tarixə döndün Xudayar
Vətənim söyləyib öldün Xudayar
Düşmən üstə gedən , aslana döndün
Zirvə fəth eyləyən qartala döndün
Vətənçün əbədi dastana döndün
Dumandan özünə bir xeymə qurdun
Xalqın ürəyində yurd-yuva qurdun
Azad vətənimin əziz oğlu sən
Ölümün gözünə baxıb gülmüsən
Canını vətənə qurban vermisən
Keçdi xəyalından öz gözəl yurdun
Səsinlə düşmənə sən zərbə vurdun
Dinlədi xalqımız , sənin nəğməni
Analar övladtək sevdilər səni
Gələcək nəsillər yaşadar səni
Vətənçin sən şəhid oldun Xudayar
Ölmədin qəhraman oldun Xudayar
Adını qoydular bir çox uşağa
Şöhrətin yayıldı yaxın uzağa
Olsün , sevinməsin o, mənfur dığa
Vətənçün canından keçdin Xudayar
Huritək cənnətə köçdün Xudayar
Kitaba hörmət et
Kitaba hörmət et , qoru həmişə
Kitablar sərvətdir , bunu yaxşı bil
Kitabla dostluğu çevir vərdişə
Kitabla dünyanı gəzmək olur bil
kitab oxumasan, ömür hədərdir
Kitablar hər zaman olar köməyin
Kitablar adama sənət erəndir
Kitabsız bir sənət qazanmaq çətin
kitabla dostluğu qırma, qurtarma
Kitablar haqqında sözümə inan
Kitablar arzuna çatdırar səni
Dadına yetişər hər yerdə , hər an
Bu sözu sən heç vaxt yaddan çıxarma
Kitablar biliklər xəzinəsidir
Oxu, xəzinədən biliklə varlan
Hər biri bir dahi insan səsidir
Kitaba hörmət et , onda bilik var
Kitabla söhbət et, danış onunla
Kitaba hörmətlə yanaşsan əgər
Bilki əvəzini verər sonunda
Döyüş adın oldu Aslan
Vətəninin uğurunda
Eyləmisən canı qurban
Torpaqlarl qaytarmaqçün
Sən vermisən qanı ehsan
Qorxmaz şirtək sən döyüşdün
Çağırıldı adın" aslan"
Bayrağına bükülənlər
Arasında səndə varsan
Mərd- igidim yaöılarla
Sən döyüşdün yorulmadan
Əsil adın Əmrah idi
Döyüş adın oldu Aslan
Vətən Səni yaşadacaq
Ey şəhidim buna inan
Yaddaşlarda qalacaqsan
Var olduqca Azərbaycan !
Buzovnalı şəhid Əkbərov Əmrahın əziz xatirəsinə
Qumru Qüdrət Naxçıvanlı