Bu dəfəki müşahidə obyektimiz artımdır:

1. Son vaxtlar marketlərdə tədricən, ancaq hər gün artan qiymətlər. Dollar qalxmır, benzin, maaş qalxmır, hansı zərurətdən qiymətlər artır?

Beləliklə camaatın pulu dəyərsizləşir, yəni faktiki maaş aşağı düşür demək. Meyvə- tərəvəzin də qiyməti ceyran belində, gərək hepard zad olasan ki, xəstəsinə, zayına çata biləsən.

2. Yeniyetmə və gənc pul istəyənlərin çoxalması. Dünən dostumla çayxanada nərd oynayırdıq, iki üç dəfə təxminən 4- 6 - cı siniflərdə oxuyan uşaqlar yaxınlaşıb, pul istədilər. Gecə yolda gedəndə neçə nəfər gənc pul istəyir. Biri nəsə dedi, elə bildim siqaret istəyir, verdim, utana- utana, dediki, qəpik lazımdı. Zibil yeşiklərinin də ətrafında " sıxlıq" yaranıb. Nəsə axtarırlar. Bunların əksəriyyəti yəqin ki, narkotik aludəçiləridir.

3. Şəhərin mərkəzində ərəb turistlərin çoxalması və onları " tutmaq" üçün yabanı müsiqilərin, davranışların artımı.

Hər bir cəmiyyətdə qiymət dəyişməsi, pul istəyən, narkotik istifadəçisi və xarici turist ola bilər. Lakin , qiymətlərin bir xəttli fasiləsiz artması, pul istəyən və narkotik aludəçəlirənin gözəçarpan qədər çoxalması, turistlərin ancaq yaxın Şərqdən olanlar hesabına artması anormallıqdır, ciddi problemdir.

Maddi, mənəvi zəngin, fiziki və ruhu sağlam , milli dəyərləri qorunmuş cəmiyyət, vətəndaşlar çoxluğu xalqın və dövlətin əsas güc göstəricisidir.

Dənizin qırağının hasarlarını da sökün, istilər gəlir, camaat getsin istirahət etsin, d vitamini alsın.

Meşələrin də çəpərlərini sökün, yay tətili gəlir, kasıb- kusub gedib badımcan, pomidor kabab etsin, pendir dürməkləsin.

ALLAH " yer üzündə hər nə varsa insanlar üçün yaratdıq" deyir. Sizin familyalarınız üçün demir.

Dəniz, meşə də vətəndir, hamınındır, yalnız sizin- qorumaq lazım gələndə suyunda, yarpağında gizləndiyiniz sizin deyil.

Dediyimiz sözlər nə bir qurupun "qara şər", nə də digər qurupun " ağ tərifləri" deyil.

Üçrəngli , təvözkarlıqdan uzaq olsa da, ziyalı fikirlərdir!

скачать dle 12.1