-Avropa İttifaqının Azərbaycandakı Nümayəndəliyinin rəhbəri Kestutis Yankauskas cənablarına
- Avropa Şurasının Bakı Ofisinin rəhbəri Zoltan Hernyes cənablarına
- ATƏT-in Fəaliyyətdə olan Sədri Slovakiyanın xarici işlər və Avropa məsələləri üzrə Naziri cənab Miroslav Layçak cənablarına
-BMT-nin Azərbaycandakı nümayəndəliyi rəhbəri BMT-nin Rezident Əlaqələndiricisi Qulam İshaqzai cənablarına
ATƏT Minsk qrupu üzvləri:ABŞ ,Fransa ,Rusiyanın Azərbaycandakı səfirlərinə
-Nüvə Sınaqlarının Hərtərəfli Qadağan Olunmasına üzrə Müqavilə Təşkilatına (CBCTO)
-Kimyəvi Silahların Qadağan olunması Təşkilatına (OPCW)
-Atom Enerjisi üzrə Beynəlxalq Agentlik (AEBA) Təşkilatına
-BMT-nin Ətraf Mühit Proqramı (UNEP) Təşkilatına
Dəyərli Ali Nümayəndələr! Bu gün Ermənistan hakimiyyəti əsassız olaraq Azərbaycan dövlətinə qarşı böhtan kompaniyası aparır. Guya Azərbaycan tərəfi Ermənistana məxsus "Metsamor AES”-lə onları təhdid edir.
Amma Azərbaycanın rəsmi mövqeyi hələ 23.05.2017-ci il tarixdə Avropa parlamentariləri qarşısında rəsmən bəyan olunub.Mən Milli Dirçəliş Hərəkatı Partiyasının sədri,Azərbaycan Respublikasının Milli MəclisininAvronest PA-dakı nümayəndə heyətinin üzvü kimi Azərbaycan Respublikası adından mənə həvalə olunmuş rəsmi mövqeyi bəyan etmişəm. 23.05.2017-ci il tarixində Avronest PA-nın İqtisadi inteqrasiya, hüquqi yaxınlaşma və Avropa İttifaqı siyasəti ilə uyğunluq komitəsi ilə Enerji təhlükəsizliyi komitəsinin birgə keçirilən iclasında bölgəyə böyük təhdid olan Ermənistanın "Metsamor” Atom Elektrik Stansiyası ilə bağlı çıxış etdim. Bu erməni deputatların ciddi naratlığına səbəb oldu. Ermənilərin təşvişinə baxmayaraq, Avronest PA-nın həmsədri, almaniyalı deputat Rebekka Harms mənə təşəkkür edərək,fikirlərimi çıxışında ciddi şəkildə dəstəklədi.
"Metsamor” AES-nın təhlükəli olmasını bəyan etməklə Azərbaycan, həm öz təhlükəsizliyinin, həm bütün regionun təhlükəsizliyinin və əlbəttə ki, bu gün burada barıt çəlləyi üzərində yaşamaqda olan ermənilərin özlərinin təhlükəsizliyinin qeydinə qalır.
Amma ,Ermənistanın keçmiş baş naziri "Metsamor” Atom Elektrik Stansiyasını Azərbaycana qarşı atom silahı kimi istifadə edə biləcəklərini mətbuat vasitəsilə bəyan etmişdi.Bütün beynəlxalq təşkilatlar tərəfindən olunan çağırışlara əhəmiyyət verməyən Ermənistan həm də "Metsamor”AES vasitəsilə bölgənin təhdidini davam edir. Bu istiqamətdə Ermənistanın "Metsamor”AES siyasəti dəyişmədiyindən Azərbaycanın rəsmi mövqeyi də dəyişməyib. Ermənistanın bu istiqamətdə beynəlxaq ictimayəti çaşdıran çağırışlarına Siz Ali nümayəndələrin obyektiv münasibət bəsləyəcəyinə inamla, təkrarçılığa yol vermədən Avronest PA-dakı həmin çıxışın tam mətnini protokola daxil edildiyi formada -Azərbaycan və rus dillərində Sizə təqdim edirəm:
"Hörmətli həmkarlarım,
Mən sizin diqqətinizi bu qətnamədə olması vacib olan olduqca mühüm bir məsələyə
cəlb etmək istərdim.
Ermənistandakı "Metsamor” elektrik stansiyası hazırda az sayda qalmış nüvə
reaktorları növündəndir ki, onlar ilkin müdafiə qurğuları olmadan tikilmişdir.
Sovet dövründə qurulmuş birinci nəslindən olan, su ilə soyudulan bu növ 5
stansiyanın istifadə müddəti bitmiş haldadır, lakin bir fakt var ki, Ermənistandakı
reaktora Rusiyadakı dördündən fərqli yanaşılır.
Bir neçə il bundan əvvəl Avropa İttifaqının nümayəndəsi bəyan etdi ki, "bu müəssisə
bütün region üçün təhlükə mənbəyidir”, lakin Aİ-nın "Metsamor” AES-nın bağlanmasının
maliyyələşdirilməsi üçün təqdim ediləcək 200 milyon avro (289 milyon dollar) həcmində
kreditin ayrılması haqqında təklifindən bir qədər sonra Ermənistan imtina etdi.
Aİ-da hesab edirdilər ki, stansiya "nüvə təhlükəsizliyinin beynəlxalq səviyyədə
tanınmış standartlarına qədər təkminləşdirilə bilməz” və 2011-ci ilə qədər
bağlanılmalıdır. 2013-cü ildə Aİ nümayəndə heyətinin başçısı Trayan Xristea Ermənistanda
bəyan etdi ki, "Metsamor” AES-nın istismarı məsələsi "Ermənistan –Aİ münasibətləri
gündəliyinin başlıca məsələlərindən biridir”. 2014-cü ildə Avropa Komissiyası
bir daha Ermənistanı mümkün qədər tez şəkildə AES-nı bağlamağa çağırdı. Bu barədə
Avropa Komissiyasının 2013-cü ildəki Avropa qonşuluq siyasəti proqramı üzrə ermənistanın
inkişafı haqqındakı məruzəsində qeyd edilir. Buna Ermənistan tərəfindən heç bir
reaksiya bildirilmədi. Stansiyanı "köhnəlmiş və təhlükəli” adlandıran Birləşmiş
Ştatlar hökuməti yeni stansiyanın tikintisi üçün tədqiqatda iştirak edəcəyini
bildirdi.
Bir müddət susqunluğun arxasınca, 2011-ci ildə Türkiyədə baş verən zəlzələdən
sonra "Metsamor” AES məsələsi yenidən aktuallaşdı. Həyəcan təbilini türk tərəfi
vurdu. Köhnəlmiş və qəza vəziyyətində olan AES istənilən an bütün regionun
ekosistemini məhv edə bilər. Stansiya ətraf mühitə düzəldilməsi mümkünsüz olan
ziyan vurur – reaktorun soyudulması üçün Arpaçay və Araz çaylarının suyundan
istifadə olunur ki, bundan sonra istifadə edilmiş su, heç bir təmizlənmə işi
aparılmadan çaylara axıdılır. Bəzi mənbəələrə görə "Metsamor” AES-nın nüvə
tullantılarının Ermənistan tərəfindən işğal edilmiş Azərbaycan torpaqlarında
basdırılması ehtimalı, hətta faktı da mövcuddur.
Bolqarıstanda dörd, Slovakiyada isə iki "ВВЭР 440” bloku həmin ölkələrin
Avropa İttifaqına daxil olması şərti qismində bağlanmışdır. Lakin, həmin
bloklardan dördü hələ də Rusiyada istismar edilməkdədir. "Metsamor” yeganə
"ВВЭР 440”
modeli və 230 modelidir ki, Rusiya hüdudlarından kənarda fəaliyyət göstərir.
Əslində Ermənistan AES-nın daşımış olduğu təhlükələrin sayı daha çoxdur.
Birincisi, stansiya köhnəlib, onun avadanlıqları bütün hallarda artıq öz
istismar müddətlərin başa vurublar.İkincisi, o, 11 bal gücündə zəlzələlərin
baş verə biləcəyi zonada, tektonik sınıq yerindən cəmi 500 m məsafədə yerləşir.Üçüncüsü,
ekspertlərin rəyinə görə, stansiyanın təhlükəsizlik sistemi ən aşağı səviyyədədir.
Və istismar edildiyi illər ərzində vəziyyətin yaxşılaşdırılması istiqamətində
heç bir iş görülməyib.Dördüncüsü, stansiyada qəza baş verməsi
halında bütün region zərər görəcəkdir. Radioaktiv tullantılar geniş əraziləri əhatə
edəcək, təkcə Ermənistanın deyil, qonşu ölkələrin sakinləri də zərər görəcəklər.
Stansiyada mütəmadi olaraq sızmalar baş verir və radioaktiv tullantılar ətraf
mühiti çirkləndirir. Böyük narahatlığa səbəb olur ki, stansiya polad və ya
betondan olan korpusa – hermetik qata malik deyil, bu olsaydı mümkün qəza hadisələri
zamanı radiasiya şülanmasına yol verməzdi. AES nə qədər çox çalışırsa, onun
reaktorunun özünün qatı nazik, qəza baş verməsi halında havaya yüksək dərəcədə
radiasiyanın atılması ehtimalı isə bir o qədər yüksək olur.
Atom elektrik stansiyası – kifayət qədər ucuz elektrik enerjisidir, lakin bu həm
də Ermənistanın bütün regionu məhkum etdiyi ölümlə daimi gizlən-qaç oyunudur.
"Metsamor” AES-nın təhlükəli olmasını bəyan etməklə Azərbaycan, həm öz təhlükəsizliyinin,
həm bütün regionun təhlükəsizliyinin və əlbəttə ki, bu gün burada barıt çəlləyi
üzərində yaşamaqda olan ermənilərin özlərinin təhlükəsizliyinin qeydinə qalır.
2014-cü ilin sonunda Rusiya və Ermənistan "Metsamor” AES-nın ikinci enerji
blokunun istismar müddətinin 2026-cı ilə qədər uzadılması məsələsində əməkdaşlıq
haqqında razılaşma imzaladılar. Brifinqdə isə, Rusiyanın "Rosatom” dövlət
korporasiyasının başçısı Sergey Kiriyenko ilə Ermənistanın energetika naziri
Yervand Zaxaryan inadla yenidən təkrar etdilər ki, Ermənistan hökuməti yeni AES
tikməyə hazırlaşır.
Ermənistan daima və hər yerdə özünün su ehtiyatlarının bolluğu ilə lovğalanır,
bəs onda o, niyə daha az təhlükəli dağıtma texnologiyasına malik elektrik
istehsalından – hidroenergetikadan istifadə etmir və niyə atom enerjisindən
imtina etmir?
Diqqətinizə görə sağ olun.”
Milli Dirçəliş Hərəkatı Partiyasının sədri,
Azərbaycan Respublikasının Milli MəclisininAvronest PA-dakı nümayəndə heyətinin üzvü
Fərəc Quliyev.