ABŞ Müdafiə Nazirliyi (Pentaqon) Amerika hərbçilərinin uşan naməlum obyekti izlədiyini göstərən videonu dərc edib.
Gunaz.az-un məlumatına görə, Publika.az xəbər verir ki, bu haqda “The Independent” nəşri bildirib.
Videoyazıda göstərilir ki, hadisə 2004-cü ildə iki ədəd F/A-18 Super Hornets qırıcısı tərəfindən San-Dieqo sahillərində keçirilən əməliyyat zamanı baş verib. Videoda Yer üzündən 24 kilometr yüksəklikdə naməlum obyekt görünür.
Qeyd edək ki, Pentaqon daha əvvəl ilk dəfə rəsmən naməlum uçan obyektlərin tədqiqatı ilə məşğul olan proqramın mövcudluğunu etiraf edib. 2007-ci ildən 2012-ci ilə qədər həyata keçirilən proqramın maliyyələşdirilməsinə təxminən 22 milyon dollar xərclənib.
