Cəmiyyətimiz müəllim adına həmişə ən yüksək qiymət vermiş və müəllimlərə hörmətlə yanaşmışdır. Müəllim adı müqqədəs və böyük addır. Hər kəs ona borclu və yaşadığı ömür müddətində müəlliminin qulluğunda durmağa hazırdır.
Ümummilli lider
Heydər Əliyev deyib: "Mən yer üzündə müəllimdən yüksək ad tanımıram”. Həqiqətən
ondan yüksəkdə duran ad demək çətindir. Həyatda əvəzsiz uğurlarımızın bir
çoxunu məhz müəllimlərə borcluyuq. Dahi mütəfəkkirlər müəllim və sənətlərinə ən
yüksək təriflər deyiblər. Hər zaman toplum onlara qayğı, məhəbbət, ehtiram və sədaqətlə
yanaşıb. Dünyanın dincliyi, əmin-amanlığı və inkişafının təməllərini müəllimlər
qoyub. Bütün bəşəriyyət bu sənətlə iftixar duyur. Cahan müəllimlərin zəhməti ilə
tərəqqi tapır.
Gənc nəslin yeni
metodlarla təlim və tərbiyə edilməsi dövrümüzün zəruri şərtlərindən biridir.
Əsas tələblərdən biri də şagirdləri elə bilik və bacarıqlarla silahlandırmaq
lazımdır ki, onlar öz biliklərini sərbəst şəkildə artırmaq imkanına malik
olsunlar. Peşəsini sevən müəllim yaxşı müəllimdir, həm fənnini həm də uşaqları
sevən müəllim isə əsl müəllimdir. Tədris etdiyin materialı lazımi metodlarla
şagirdlərə mənimsətməyi bacarmaq lazımdır. Həyatda baş verən dəyişikliklərlə
uyğunlaşmaq və səmərəli fəaliyyət əldə etmək o zaman mümkün olur ki, insan həyatı
boyu bilikləri müstəqil əldə etməyi bacarsın.
Hər zaman müəllim adı
ilə qürur duyan və ömrünü bu sənətə həsr edən müəllimlərdən biri də Mehdiyev
Qasimi Məcid oğludur. Mehdiyev Qasimi 1954-cü il aprelin 26-da anadan olub.
Orta təhsilini 1959-1969-cü illərdə alıb. Elə həmin ildə Gəncə Dövlət
Universitetinin Fizika-riyaziyyat fakültəsinin riyaziyyat ixtisasına qəbul
olub. 1973-cü ildə ali məktəbi bitirdikdən sonra təyinatla müəllimlik sənətinə
başlayıb. 1989-cu ildən öz doğma kəndi Əyyublu kəndində Riyaziyyat elmini tədris
etməyə başlayıb. Bir neçə məqaləsi "Təhsil problemləri” qəzetində işıq üzü
görüb. 1989-cu ildə "Tovuz” qəzetində Qasimi Mehdiyevə həsr olunan məqalə işıq
üzü görüb. Müəllimin şagirdləri 1988 və 1998-ci illərdə Riyaziyyat fənnindən
Respublika Olimpiadasında iştirak edərək müvafiq yerlər tutublar. Qasimi müəllimin
fəaliyyəti bir neçə qurum tərəfindən qiymətləndirlərək 1980, 1984 və 1988-ci
illərdə Frəxri fərmanla təltif edilib.
Müəllimin tədris
etdiyi Riyaziyyat elmi hər kəsin öyrənilməsi vacib olan elmlərdən biridir. Bu
elm digərləri üçün açar rolunu oynayır. Riyaziyyat elmi ilə silahlanan şəxslər
isə bir neçə elmə bələddir. Günümüzün müasir texnikalarının inkişafında
Riyaziyyat elminin rolu danılmazdır. Bu elmdə yeni fikir söyləmək isə olduqca çətin
bir prosesdir. Əsrlər bundan qabaq isə bu haqda saysız kəşflər olub. Riyaziyyat
elminin bir qolu olan Həndəsə elmi haqqında da bu fikirləri söyləyə bilərik. Həndəsə
elmində Düzbucaqlı üçbucaq haqqında isə yeni fikirlər olduqca çətin söylənilir.
Müasir dövrdə
Pifaqor teoremi haqqında əlavə və töhfələr irəli sürmək isə asan proses
deyildir. Qasimi müəllim Pifaqor teoreminin yeni həl metodu haqqında bir töhfə
irəli sürüb. Qasimi müəllim yeni töfəsində qeyd edir: "Müasir dərs ilk növbədə
yaradıcı olmağı tələb edir. "Düzbucaqlı üçbucaqların həlli” mövzusunu tədris edərkən belə bir
yenilik etməyə çalışıram. Dərslik və digər ədəbiyyatlarımızda yazılır ki, düzbucaqlı üçbucağın həlli üçün
onun ən azı digər 2 elementi verilməlidir ki, yerdə qalan üç elementini tapmaq
mümkün olsun. Mən tədris prosesində xüsusi hal olaraq tərəflər natural ədədlər
olduqda a
3 şərti daxilində (a kiçik tərəfdir) istənilən
düzbucaqlı üçbucağın kiçik katetinə görə, yəni, bir elementə görə yerdə qalan digər elementləri tapmağı
şagirdlərə öyrədirəm. Halbuki düzbucaqlı üçbucağın bir katetə görə digər elementlərinin
tapılması barədə dərsliklərimizdə məlumat yoxdur”.
Qasimi müəllim
müasir təhsil sistemi haqqında qeyd edir: "Müəllim dərsin təşkilatçısıdır və
onun müasir tələblərə cavab verən dərs qura bilməsi, yeni pedaqoji
texnologiyaları bilməsi və tətbiq etməsi vacibdir. Təhsil sahəsində aparılan
islahatların əsas məqsədi təhsilin keyfiyyətini yüksəltmək və onun inkişafını təmin
etməkdir. Milli kurikulum islahatı da məhz bu məqsədin reallaşmasına xidmət
edir. Müəllimin sinifdə yazı lövhəsində keçdiyi ənənəvi dərslər sıradan çıxmalı
və ya əsaslı şəkildə dəyişməlidir. Müasir dərs dövrün tələblərinə cavab verən
müstəqil və məsuliyyətli pedaqoji ustalığa əsaslanır. Dövrümüz yüksək
texnologiyalar dövrüdür, bu texnologiyalara isə ancaq elmi biliklərlə yiyələnmək
olar. Elm isə təhsildən başlayır. Riyaziyyatın tədrisində texnologiyanın
nailiyyətlərinin tətbiqi təlimin səmərəli təşkilinə xidmət edir. Hər bir müəllim
tədris olunan mövzu ilə həmin mövzunun tədrisi üsulları arasında qarşılıqlı
uyğunluq axtarmalıdır”.
Dərs dediyi məktəb və
rayon riyaziyyatçıları tərəfindən maraqla qarşılanan bu yeni töhfə Azərbaycan
Respublikası Müəllif Hüquqları Agentliyi tərəfindən də qiymətləndirilərək
05.04.2017-ci il tarixində Şəhadətnamə verilmişdir.
Qasimi müəllim peşəkar
müəllim olmaqla yanaşı, həm də gözəl atadır. İki oğlu var. Etibar və Elman hər
ikisi magistr təhsili alaraq universitetlərini fərqlənmə diplomu ilə bitirib.
Böyük oğlu Etibar Bakı şəhərində Dövlət qulluğunda çalışır. Kiçik oğlu Elman
doğma kəndi Əyyubluda Coğrafiya fənnini tədris edir. Elman müəllim 5 kitab və
30-dan çox məqalənin müəllifidir.
Mahmud Əyyub
Qeyd: Məqalədəki
yenilik haqqında daha ətraflı məlumat əldə etmək üçün (050 627 92 45) bu nömrə
vasitəsi ilə birbaşa müəlliflə əlaqə saxlaya bilərsiz.
