Bəzi ölkələrdə Tvitterin istifadəsi pullu olacaq. Uzun müddətdir pulsuz xidmət göstərən Tvitter sosial şəbəkəsi yenilik edib. İstifadəçi və gəlir azlığından şikayət edən Tvitter bəzi ölkələrdə pullu olacaq. Bundan sonra istifadəçilər "Tvitdek” platformasından pullu istifadə edəcəklər. Yeniliyə əsasən, istifadəçilər yalnız aylıq 20 dollar ödədikdən sonra bu platformaya daxil olaraq yeniliklər haqda məlumat ala bilərlər. Xidmətə üzv olan istifadəçilər eyni zamanda bir neçə səhifəni idarə edə biləcəklər. Dəyişikliyin nə vaxt tətbiq olunacağı məlum deyil.
