İlisu kəndi Qax rayonunda tarixi abidələri ilə zəngindir. Novruz bayraminda İlisuya istirahətə dəvət olunmuş redaksiyamızın əməkdaşını burda olan ölkə və yerli əhəmiyyətli abidələr cəlb etmiş və onlar haqda məlumat toplayaraq oxucularımıza catdırmağı özünə borc bilib.
XIX əsrin ortalarında inşa edilən Şamil qalası (El arasında bu qalaya Şamil qalası deyirlər) İlisu kəndini əhatə edən dağlardan birini, Yezlidağın üstündə tikilib. Dairəvi formada inşa olunan qalaçanın diametri 7,4 metrə yaxındır. Çay daşı və əhəng məhlulu ilə tikilmiş qalaçanın ətrafı boyunca atəş açmaq və müşahidə aparmaq üçün mazğallar vardır. Qalaçada İlisuya gələn bütün yolları müşahidə etmək, eləcə də nəzarətdə saxlamaq mümkündür. Kənddən qalaçaya araba yolu salınmışdır.Bu və başqa abidələrimiz tarixi-memarlıq abidəsi kimi dövlət tərəfindən qorunur. İlusuda yerləşən abidələrimizi sizə təqdim edirik.
