Bu ilin yanvar ayında Ədliyyə Nazirliyinin rayon (şəhər) qeydiyyat şöbələri tərəfindən 10 812 doğulan körpə qeydə alınıb və əhalinin hər min nəfərinə bu göstərici 12,7 təşkil edib.
GünAz.az xəbər verir ki, bu barədə Dövlət Statistika Komitəsi məlumat yayıb.
Məlumata görə, doğulanların 53,4 faizi oğlan, 46,6 faizi isə qız uşaqlarıdır. Körpələrdən 238-i əkiz, 6-sı isə üçəm doğulanlardır.
2021-ci ilin yanvar ayı ərzində ölkədə 7 972 ölüm halı qeydə alınıb ki, bununla da əhalinin hər min nəfərinə ölüm səviyyəsi 9,4 təşkil edib.
