Vergi nəzarəti tədbirləri zamanı vergi ödəyicilərinin uçot məlumatları ilə faktiki məlumatları arasında hər hansı kənarlaşma müəyyənləşdirildikdə, vergi orqanı tərəfindən vergi ödəyicisinə məlumat verməklə uçot məlumatlarının dürüstləşdirilməsi hüququ müəyyən edilib.
GunAz.az xəbər verir ki, Vergilər Nazirliyinin Dövlət qeydiyyatı və uçota nəzarət departamentinin baş direktoru Ələkbər Məmmədovun sözlərinə görə, vergi ödəyicisi üzrə uçota alınma vergi orqanına təqdim edilən ərizə əsasında baş verir.
Onun sözlərinə görə, Vergi Məcəlləsinə edilmiş dəyişikliyə əsasən, vergi ödəyicisinin iki və daha çox təsərrüfat subyekti olduqda, həmin vergi ödəyicisi gəlirlərinin formalaşmasında daha çox iştirak edən təsərrüfat subyektinin yerləşdiyi ünvan üzrə yenidən uçota alınır.
